Ministri i Brendshëm Sandër Lleshaj, në një deklaratë për mediat, ka njoftuar se është shkarkuar nga detyra me vendim qeverie kryebashkiaku i Vaut të Dejës, Zef Hilaj.
Vendimi erdhi pas trazirave të djeshme në KZAZ në Bushat, sqaroi ai.
“Incidenti i mbrëmshëm nuk mund dhe nuk do të cenojë aspak integritetin e zgjedhjeve. Zgjedhjet do të mbahen në të gjithë vendin, në pajtim të plotë me Kushtetutën, me Kodin Zgjedhor dhe legjislacionin e vendit, si edhe me mbështetjen e vendosur të partnerëve strategjikë të Shqipërisë. Për arsye të një serie shkeljesh të rënda të detyrës dhe të ligjit, të cilat kulmuan mbrëmë me sulmin ndaj KZAZ nr. 6, të realizuar nga punonjës të Bashkisë së Vaut të Dejës, Kryetari i saj do të shkarkohet sot nga detyra me propozim të Ministrit të Brendshëm. Të njëjtin fat do të ketë cilido, që autoritetin e Kryebashkiakut do ta përdorë për të penguar zgjedhjet, duke i kthyer apo lejuar punonjësit e Bashkisë të sillen si forca të dhunshme paramilitare”, tha.
Lleshaj, ashti si Rama i quajti “Haxhi Qamilë” kundërshtarër politikë dhe hodhi poshtë akuzat e PS se ai dhe Rama janë ideatorët e trazirave në KZAZ mbrëmjen e djeshme.
Menjëherë pas deklaratës së Lleshaj, reagoi edhe kryebashkiaku i djathtë.
“Nuk jam djeni të lajmit të shkarkimit. Në atë moment unë nuk kam qenë prezent. Kam dhënë udhëzime që protesta të ketë qenë paqësore. Ajo është organziuar nga shoqëria civile. Unë nuk kam qenë as në protestë. Nuk kam asnjë lloj informacioni. Unë nuk jam djeni të një veprimi të tillë, Lleshaj nuk ka informacionet e duhuara për një gjë të tillë. Lleshaj mund të jetë dezinformuar”, tha ai.
Tensionohet situata/ Lleshaj tha që do shkarkohet, reagon menjëherë kryebashkiaku i djathtë
Ketë të premte, policia njoftoi arrestimet e disa personave pas trazirave të djeshme.
Tensionet në KZAZ në Bushat/ Kush janë të arrestuarit, mes tyre nënkryetari i bashkisë
