Nënkryeministri Erion Braçe ka sulmuar kryetaren e Bashkisë së Shkodrës, Voltana Ademi, e cila ka ftuar qytetarët që të protestojnë kundër vendosjes së diktaturës në vend, duke pasur parasysh se në 30 qershor do të ketë votime monopartiake.
Duket se aksioni opozitar i Ademit, ka shqetësuar Braçen, që ka shfrenuar gojën.
“Molotana apo Boltana: Mblidhi plehrat! Boll i lëshove rrugëve! Mëngjesi banal e kriminal ne Shkoder! 30 qershor jepi fund ti! Voto të rikthehet puna!”, shkruan Braçe në rrjetin social.
Bashkia Shkodër ka ftuar qytetarët që të marrin pjesë në protestat që do të nisin në këtë qark që nga dita e sotme. Mësohet se protestat do të zgjatin që nga data 27 qershor deri më 2 korrik. Një detaj që vihet re është se protestat do të zgjatin 12 orë, nga 7:00 e mëngjesit deri në 19:00 të mbrëmjes.