Partizani vijon përgatitjet për eliminatoret e Champions Leagues, teksa sot ka zhvilluar edhe miqësoren e dytë në tokën sllovene, të cilën e ka humbur sërish, por këtë herë me rezultatin 2-1.
Përballë “të kuqve” të Lerdës, sot u vu skuadra e NS Mura-s, e cila nxori sërish në pah defektet në prapavijë e Partizanit, duk,e arritur të shënojë dy herë në portën e Alban Hoxhës, nga një gol për do pjesë.
Nga ana tjetër, golin e vetëm për kryeqytetasit e shënoi sulmuesi shkodran Eraldo Çinari në minutat shtesë të ndeshjes, pas një aksioni personal të tij.
Kjo ishte miqësorja e dytë e Partizanit të Lerdës, pasi më herët kishte humbur me rezultatin e thellë 5-1 përballë FK Sarajevos, ndërsa forma e kampionëve të Shqipërisë është ende shqetësuese, në prag të ndeshjeve eliminatore përballë Qarabagut.
