Edi Paloka, nënkryetar i PD-së, ka ironizuar kryeministrin Edi Rama dhe kreun e deputetëve socialistë Taulant Balla, pas tërheqjes të delegacionit të vëhzguesve të KiE nga procesi i 30 qershorit.
Paloka përmes rrjetit social, referuar deklaratave të Ballës, tha se misioni nuk vjen më 30 qershor se do të jetë vapë.
Taulant Balla deklaroi se Kongresi i Autoriteteve Lokale është një prej institucioneve përbërëse të KiE, por nuk është KiE, nuk bëhet fjalë fare për gjithë dërdëllitjen që sapo dëgjuan shqiptarët.
“Është si ai i mbyturi që kërkon të kapet pas çdo çengeli që i del para. Brenda KiE kjo javë ka qenë shumë intensive, bëhet fjalë për çështje të buxhetit, pas ka problem prej muajsh.
Zgjedhjet në Shqipëri edhe më 2017 nuk janë monitoruar nga Kongresi i Autoriteteve Lokale. Zgjedhjet monitorohen nga OSBE/ODIHR dhe keni parë prezencë shumë aktive të drejtueses së këtij institucioni, Glover. Ky autoritet gëzon reputacion ndërkombëtar për vëzhgimin, e njeh shumë mirë Shqipërinë”, tha Balla.
Postimi i Edi Palokës
Reagoi dhe Rama me gojën e Tao Pallës për tërheqjen e Këshillit të Evropës nga misioni i vëzhgimit të “zgjedhjeve” të paqena të 30 qershorit…
“Misioni nuk vjen se më 30 qershor do jetë vapë”, tha zëvendësi dhe zëdhënësi i liderit suprem.
