Kolegji Zgjedhor rrëzon kërkesën e Partisë së Unitetit Kombëtar për cregjistrimin nga zgjedhjet.
Në një seancë që ka zgjatur jo më shumë se 90 minuta, Kolegji ka vendosur të rrëzojë kërkesën e partisë së Idajet Beqirit.
PUK kërkoi shfuqizimin e vendimit të KQZ-së, që nuk pranoi cregjistrimin nga zgjedhjet të kësaj partie, që është në aleancë me Edi Ramën.
Kërkesa për cregjistrimin nga zgjedhjet nga ana e PUK erdhi pas dekretit të Presidentit Ilir Meta, që anulloi zgjedhjet më 30 qershor.
Pas vendimit të Kolegjit, Idajet Beqiri, tha se ky është një vendim i dhënë nga organi më i lartë ligjor për zgjedhjet.
“Ky vendim rrëzon kërkesën tonë dhe është i detyruar për t’u zbatuar. Do të shkojmë në zgjedhje”, tha Beqiri, duke pohuar se shkaku kryesor për ngritjen e padisë ishte pikërisht dekreti i Presidentit.
Në këtë mënyrë, Beqiri ka pranuar se thelbi i padisë ishte mbi dekretin dhe këtë i kërkova Kolegjit, të shprehej mbi ligjshmërinë e tij.
Relatori i çështjes në Kolegjin Zgjedhor ishte Tomor Skreli.
Vendimi i Kolegjit mund të interpretohet nga mazhoranca e majtë si një hap pro mbajtjes së zgjedhjeve në 30 qershor, megjithëse kjo gjykatë nuk ka të drejtë të shprehet për kushtetueshmërinë ose jo të dekretit të Presidentit.