Kolegji Zgjedhor po shqyrton kërkesën e partisë së Unitetit Kombëtar, aleate e PS-së së drejtuar nga Edi Rama, e cila kërkon crregjistrimin nga zgjedhjet.
Padia në Kolegjin Zgjedhor erdhi pasi KQZ rrëzoi kërkesën e Idajet Beqirit, kryetar i PUK.
Para gjykatës, Beqiri tha se kërkesa për çregjistrim nga zgjedhjet erdhi pas dekretit të Presidentit Ilir Meta, i cili anulloi mbajtjen e zgjedhjeve më 30 qershor.
“Ishim te bindur se në 30 qershor do bëheshin zgjedhjet. U kapëm në befasi nga dekreti i Presidentit.
Botimi i Dekretit në fletoren zyrtare, na bindi që zgjedhje më 30 qershor nuk ka ndaj kemi kerkuar çrregjistrim. Nuk pranoj 30 qershorin në kushtet e krizës politike”, tha Beqiri, duke e cilësuar vendimin e KQZ-së që nuk pranoi çregjistrimin sit ë pavlefshëm.
Ndërkohë përfaqësuesi ligjor i KQZ-së tha para Kolegjit se dekreti i Presidentit për anullimin e zgjedhjeve është në shkelje të hapur të Kushtetutës.
Edhe pse në padinë drejtuar Kolegjit nga PUK nuk shqyrtohet kushtetueshmëria ose jo e dekretit, mënyra sesi KQZ me shumicë socialiste po përpiqet ta kanalizojë çështjen, zbardh skemën që Rilindja po tenton të përdorë për rrëzimin e dekretit të Kreut të Shtetit.
Anëtari i Kolegjit Zgjedhor, Artur Malaj, ka pyetur përfaqësuesin e KQZ se të çfarë natyre nga pikëpamja ligjore e cilëson dekretin?
Përfaqësuesi ligjor i KQZ në përgjigje tha “është akt administrative individual”.
Ndërsa pyetja e rradhës ishte : “pse është akt administrative?”
Në këtë rast, përfaqësuesi ligjor i KQZ nuk ka dhënë përgjigje.