Brazili shkatërroi Perunë dhe ka siguruar kualifikimin në fazën tjetër të Kupës së Amerikës.
Kombëtarja ‘Seleçao’ ka fituar me rezultatin 5-0 dhe pozicionohet në vendin e parë në Grupin A me 7 pikë të grumbulluara.
Serinë e golave në këtë takim e hapi mesfushori i Real Madrid, Casemiro, i cili realizoi në minutën e 12’.
Vetëm shtatë minuta më vonë, ylli i Liverpool, Firmino, dyfishoi avantazhin e brazilianëve.
Brazili nuk hoqi këmbën nga “gazi” dhe realizoi edhe një herë në pjesën e parë, kësaj radhe me anë të Everton.
Në pjesën e dytë vazhdoi dominimi i skuadrës braziliane, me dy gola të tjera të shënuara nga Dani Alves (53’) dhe Willian (90’).
Vlen të theksojmë që në minutat shtesë të ndeshjes ishte Gabriel Jesus i cili gaboi nga pika e bardhë e penalltisë.
https://www.youtube.com/watch?v=YreRQeZpzd0
