Gjykata e Shkodrës vendosi këtë të shtunë lirimin nga qelia të ish-deputetit të PD-së Bardh Spahia. Ndaj tij u vendos masa e sigurimit personal arrest shtëpie, ndërsa prokuroria kërkoi arrest me burg.
Spahia tha në gjykatë se arrestimi i tij është çështje politike. Ndërkohë, prokurori i çështjes tha se Bardh Spahia ka kundërshtuar policinë.
Seanca për masën e sigurisë/ Bardh Spahia nga gjykata: Arrestimi im është… (FOTOT)
Përveç Spahisë, Gjykata e Shkodrës ka caktuar masën e sigurisë “arrest me burg” për punonjësit e Bashkisë Alfred Nikolli, Gentjan Bytyçi me afat 30 ditë. Ndërkohë, për Orlando Thepi, i mitur, është lënë masa e sigurisë “detyrim paraqitje”, e ndërsa për Adi Garuci dhe Aleks Ndoj janë është caktuar “arrest shtëpie”.
Tensionet në KZAZ, Gjykata lë në burg 2 punonjësit e Bashkisë
Shoqërimi i ish-deputetit demokrat në gjykatë nga policia u prit nga qindra qytetarë dhe nën masa të rrepta sigurie. Mësohet se transferimi i tij nga Tirana ku u ndalua, drejt Shkodrës është bërë mbrëmjen e djeshme, në fshehtësi, për të shmangur çdo përplasje të mundshme mes simpatizantëve të PD-së dhe policisë së shtetit.
Spahia u arrestua nga policia mbrëmjen e së enjtes, me akuzën se kishte qenë organizator i protestës pranë një prej KZAZ-ve në Shkodër, të cilës iu vu flaka nga ana e protestuesve. Këta të fundit kërkuan zbatimin e urdhrit të Presidentit që rrëzoi 30 qershorin si datën e zgjedhjeve lokale dhe largimin e materialeve zgjedhore nga KZAZ. Ndërkohë, policia, në mbrojtje të KQZ-së që nuk njeh dekretin e Presidentit është përplasur me protestuesit.
Nga ana tjetër PD e ka cilësuar një arrestim politik veprimin e policisë, dhe ka kërkuar nga policia lirimin e menjëhershëm të tij.
Basha u shpreh mbrëmë se një nga kushtet për dialog me PS-në përveç largimit të Ramës është dhe lirimi i të burgosurve politik, me në krye Spahinë, si dhe vënia përpara drejtësisë e blerësve të votave.
