Ndërkohë që gjykata pritet të vendosë lidhur me vendimin që do të merret drejt tij, janë publikuar edhe fotot e para të Bardh Spahisë nga ‘kafazi’ në sallën e gjyqit.
Ai është shfaqur i ngrysur, mendushëm dhe me një letër në dorë teksa pret me padurim vendimin. Spahia tha në gjykatë se arrestimi i tij është çështje politike.
“Ngjarjet për të cilat po diskutojmë sot është se shohim qytetarë që mbështesin ligjshmërinë. Po bëj një parantezë pasi sot jemi përballë një përplasje të fortë politike. Janë bërë akte nga ana e policisë në mënyrë të pautorizuar. Për këtë kemi marre informacion nga qytetarët. Protestuesit kanë vepruar sepse nuk mund të lejojnë që të uzurpojnë një objekt publik pronë e bashkisë Shkodër. Morëm informacion se kishte tension dhe jemi drejtuar për atje. Drejtuar nga pallati tek shkolla. Materiale zgjedhore ndodheshin në një ambient të pambrojtur. Kërkuam që situata të qetësohej. Qetësuam situatën pasi ishte e tensionuar”, është shprehur ai.
Ndërkohë, prokurori i çështjes tha se Bardh Spahia ka kundërshtuar policinë.
“Policia ka thirrur përforcime dhe janë bërë rreth 100 efektivë. Fillimisht kanë qenë 30-40 persona. Dhe më pas duke parë se po vinin njerëz nga Pallati i Sportit, janë kërkuar përforcime. Pas kqyrjes së vendit të ngjarjes dhe pasi janë bërë veprimet para hetimore, ka rezultuar se Bardh Spahia, Nikolla Marku dhe Chodet Amuli kanë qenë me njerëzit në vendin e ngjarjes. Është parë se Bardh Spahia ka kundërshtuar policinë. Janë marrë filmimet nga media, duke u futur në ambientet e shkollës. Është parë që pasi është hapur kordoni i policisë, i dyshuari Spahia ka qenë aktiv. Policia ka thirrur me zë të lartë, dhe i ndaluari nuk ka dëgjuar thirrjen e policisë për të ndaluar. Për këtë është proceduar”.
Kujtojmë se ish-deputeti i Partisë Demokratike, Bardh Spahia, u shoqërua mbrëmjen e së Mërkurës nga Policia e Tiranës dhe më tej u ndalua, pas ngjarjeve që ndodhën të Martën në Shkodër, ku u dëmtuan ambjentet e Komisionin Zonal të Administrimit Zgjedhor nr.3.
Bardh Spahia në gjykatë, ‘rrethuar’ nga forcat e policisë/ Shikoni xhestin ndaj qytetarëve (VIDEO)
