Dhjetëra qytetarë shkodranë sëbashku me kryebashkiaken Voltana Ademi, janë duke protestuar mbrëmjen e sotme përballë Drejtorisë së Policisë së Tiranës, ku mbahet i arrestuar ish-deputeti Bardh Spahia.
Sipas Voltana Ademit, arrestimi i Bardh Spahisë është politik, pasi ai nuk ka bërë asnjë shkelje të ligjit.
‘Bardh Spahia, është njeri i mirë, i rregullt. Arrestimi i tij është politk. Ajo që më ka bërë shumë përshtypje, është se atë natë që filluan arrestimet në Shkodër, unë kam takuar Bardhin dhe kryetarin e PD-së së Shkodrës, jemi takuar në pedonalen e qytetit bashkë me disa të rinj që ishin shqetësuar se kishin filluar arrestimet. Nuk lejohet në asnjë shtet demokratik, që pas orës 12:00 të futesh në shtëpinë e tjetrit pa asnjë mandat. Unë mbaj mend se atë natë u munduam të qetësonin të rinjtë. I hipëm makinave dhe shkuam pas policisë për të parë se në cilat shtëpi do të shkonin. Bardhi në orën 4 u nis për Tiranë. Atë natë policia na ka parë, dhe unë kurrë se kam kuptuar dhe mora vesh që kishte urdhër arresti jo vetëm për Bardhin por edhe për shumë të rinj. Arrestimi i Bardh Spahisë është politik’, deklaroi Ademi.