Një grup qytetarësh, kryesisht nga Shkodra, në përfundim të protestës së opozitës së bashkuar, janë mbledhur para Drejtorisë së Policisë së Tiranës, duke kërkuar lirimin e ish-deputetit Bardh Spahia, i arrestuar pak ditë më parë.
Qytetarët e mbledhur para policisë kanë brohoritur “lironi vëllezërit tanë”, “qeveri e krimit”.
Spahia u arrestua mbrëmjen e së enjtes, ndërsa ishte duke shkuar në një studio televizive. Ai u ndalua pas protestës së ndërmarrë nga qytetarët, që kërkonin lirimin e ambienteve të KZAZ-së, në pëputhje me dekretin e Presidentit.
Protestuesit tha se arrestimi i Bardh Spahisë është politik, pasi ata që vodhën votat dhe shfaqen në përgjime as nuk merren të pandehur dhe jo më të arrestohen.
Nesër pritet që qytetarët shkodranë të mblidhen para Gjykatës së Shkodrës, atje ku pritet të përcaktohet edhe masa e sigurisë ndaj ish-deputetit, që akuzohet për shkatërrimin e materialeve zgjedhore.