Analisti dhe drejtuesi i emisionit “360 Gradë” në RTV Ora, Artur Zheji, deklaroi se po përgatitet dorëheqja nga Rama.
Zheji tha se do të ketë një dakordësi të niveleve shumë të larta dhe një sistem garancish për daljen e tij nga skena politike në mënyrë të paqtë.
Madje këtë tezë të tij ai e mbështeti dhe në një deklaratë të mikut dhe këshilltarit të kryeministrit Baton Haxhiu, i cili dje foli për fundin politik të Ramës.
Duke komentuar protestën, Zheji tha se protesta e sotme e opozitës është jo për rrëzimin e Ramës, por festa për rrëzimin e tij.
Artur Zheji: Masiviteti është shumë i madh.Ka një gëzim të brendshëm në protestë dhe gëzimi vjen nga bindja se Rama shpejt do të japë dorëheqjen.Ky gëzim i protestës është sepse lajmi virbron në protestë. Rama e ka gjetur rrugëdaljen. Do të ketë një dakordësi të thellë të niveleve shumë të larta dhe një sistem garancish që mund të kemi një dalje nga skena në mënyrë paqësore. Nëse vutë re një lajm që ka bërë xhiron e rrjeteve, një nga miqtë e tij më të ngushtë dhe këshilltarët e tij më jetëgjatë Baton Haxhiu foli dje për fundin politik të Ramës.
Ai nuk e ka thënë se e ka menduar, ai e ka thënë se Rama ja ka thënë ta thotë. Po përgatit terreninpër largimin e Ramës dhe kjo është përceptuar me shumë gëzim nga protesta. Duket se protesta nuk po mbahet me qëllimin që Rama të rrëzohet, por për të festuar që Rama u rrëzua. Rama u rrëzua, është gëzimi i kësaj protestë.
I pyetur se kur do të ndodhë dorëheqja, ai pati këtë koment:
Zheji: Dorëheqja është një rrugë e kërkuar nga kryeministri sepse ka shkuar drejt të pamundësrës në mënyrë shumë transparente. Çdekretimit të zgjedhjeve nga Presidenti i shkon kundra sepse do të devijojë në momentin e fundit, nuk mund të ketë zgjedhje.
Zheji nga ana tjetër mohoi të ketë një marrëveshje Rama-Basha dhe provë për këtë tha ai është thirrja në prokurori e shefit të opozitës.
Zheji: Nuk ka marrëveshje Rama Basha. Mund të ketë negociatorë mes tyre që marrin dhe japin lajme por një marrëdhënie Rama-Basha nuk ka. Prova e fundit e forcës ndaj Bashës u bë me thirrjen e tij në prokurori për çështjen e dosjes ruse. Derisa ai u thirr dhe u kërcënua se do të shoqërohej forcërisht do të thotë se gjuha e koduar e përdorur midis Bashës dhe Ramës në këtë rast është një gjuhë që flet për kërcënime. Por janë bllofe më shumë sesa kërcënime.
