Rreth 2500 mbështetës të opozitës janë nisur nga Qarku i Gjirokastrës drejt Tiranës për të marrë pjesë në protestën që do të zhvillohet mbrëmjen e sotme para Kryeministrisë me thirrjen “Rama ik”.
Kjo është protesta e 9 e opozitës së bashkuar që prej 16 shkurtit kur nisi vala e protestave kundër qeverisë Rama.
Në një postim në rrjet, ish-deputeti Tritan Shehu, shkruan se qytetarët do të jenë në bulevardin “Dëshmorët e Kombit” pikërisht për të protestuar kundër varfërisë, papunësisë, diskriminimit, kundër atrofizimit të universitetit aty, degradimit të sistemit shëndetësor e arsimor.
Postimi i Tritan Shehu
Qarku i Gjirokastres, i vendosur te mbroje vlerat e demokracise e pluralizmit, perseri ne “rruge” drejt Tiranes.
Jane reth 2500 protestues nga Gjirokastra, Permeti, Libohova, Tepelena, Dropulli e Kelcyre, qe do t’i bashkohen protestes se sotme.
Ne fakt eshte shumica e banoreve te atij Qarku, qe gjithmone ka qene ne radhe te pare per te mbrojtur ate qe eshte me e shenjte per Shqiperine e shqiptaret, qe me zemer e mendje do te jene ne Tirane sot ne darke.
Do jene ne Bulevardin Deshmoret e Kombit pikerisht per te protestuar kunder varferise, papunesise, diskriminimit, kunder atrofizimit te universitetit aty, degradimit te sistemit shendetesor e arsimor, faktit qe jane te detyruar te braktisin me mijra ate treve me vlera, pasuri e mundesi te medha etj.
Te gjithe sot ne Tirane per t’i hapur rruge ndryshimit!
