Zëvendëskryetari i LSI-së Luan Rama ka përdorur pasionin e tij për poezinë për t’iu drejtuar qytetarëve sot në ditën e protestes së tyre.
Në një shënim në faqen e tij ne fb ai pa koment, iu ofron lexuesve një poezi sintezë të përmasës tragjike të historisë tonë, siç e quan, e shkruar prej njërit prej poetëve më përfaqësues të poezisë së sotme shqipe, poetit Hamit Aliaj.
Dhe më tej zoti Rama ia lë vendin poezitë me titull “Dy dritare”, që përbëjnë simbolikën e bulevardit ku do te zhvillohet protesta e paralajmeruar per sonte ne oren 20:00, pikërisht në hapsirën mes dy dritareve ku vjell historia, siç thotë poeti; Nga dritarja e Diktatorit, Te Kryeministria!
Ja poezia e plotë e përzgjedhur dhe ofruar nga Luan Rama:
DY DRITARE
Dritarja e diktatorit
Si llampë morgu,
Rri mbi bulevardin “Dëshmorët e Kombit”,
Njëqind metër larg,
Në ndërtesën përballë,
Fantazma kryeministrash,
Të vdekur, të gjallë…
Shtatë ditë iu deshën Dante Aligerit,
Të shihte Parajsën, Purgatorin, Ferrin …
Po njëqind vjet,
Rruga mes dy dritaresh,
Në Tiranën e tiranëve,
Zezonë funeralesh.
Tirana e tiranëve,
I ka kohët ndryshe:
Në mëngjes je vajzë,
Në darkë ngrysesh gjyshe,
Në dy dritare vjell historia:
Nga dritarja e Diktatorit,
Te Kryeministria !
