Sali Skura dhe Robert Aga, dy drejtuesit e policisë, që janë kapur në përgjime në skemën për manipulimin e votave në Dibër, pjesë e dosjes 184, vijojnë të jenë pjesë e strukturës së Policisë së Shtetit.
Zv.ministri i Brendshëm, Julian Hodaj, u pyet nëse është marrë ndonjë masë ndaj dy zyrtarëve të policisë Skura dhe Aga, ndërsa u përgjigj “po flasim në një çështje që është nën hetim dhe prokurori ka të gjithë të drejtën të kërkojë masën e pezullimit nga detyra. Nuk mund të ndërhyhet administrativisht në një procedim penal”.
Sali Skura dhe Robert Aga rezultojnë si të përfshirë në skemën e manipulimit të zgjedhjeve në Dibër. Në atë kohë, Skura ka drejtuar komisariatin e policisë së Kamzës, ndërsa Aga ka drejtuar policinë e Dibrës.
