Një natë e jashtëzakonshme në Parc des Princes përfundoi me eliminimin tronditës të Skocisë, nga Kupa e Botës së vajzave, pasi Argjentina kthyen rezultatin përkundër që ishin duke humbur për tri gola me vetëm 15 minuta të mbetura nga fundi i ndeshjes.
Golat e shënuara nga Kim Little, Jen Beattie dhe Erin Cuthbert dukej se ia siguruan Skocisë kualifikimin në fazën e 1/8 të finales së Kampionatit Botëror të vajzave, mirëpo tri golat e Argjentinës brenda 15 minutave – e fundit e siguruar pas dy ndërhyrjeve të VAR-it në momentet e fundit të ndeshjes – e sollën një rezultat tjetër.
Skocia e nisi ndeshjen në mënyrën më të përsosur, duke kaluar në epërsi me rezultat 3:0 (Kim Little 19’, Jennifer Beattie 49’ dhe Erin Cuthbert 69’), mirëpo Argjentina iu përgjigj me po aq gola afër fundit të ndeshjes (Milgaros Menendez 74’, Lee Alexander 79’ – autogol, Florencia Bonsegundo 90+4’ – penallti).
Momenti më dramatik i kësaj ndeshje erdhi vetëm disa sekonda para fundit, kur Sophie Howard bëri një ndërhyrje të palejueshme ndaj Aidana Comettit brenda 16-metërshit. Pas konsultimit me VAR-in, gjyqtarja Ri Hyang Ok e akordoi penalltinë.
Portieria e Skocisë, Alexander, e priti goditjen e parë të Bonsegundos nga pika e penalltisë, mirëpo VAR-i i erdhi sërish në ndihmë Argjentinës. Portieria e Skocisë kishte lëvizur nga vija e portës para se Bonsegundo ta gjuante penalltinë, kështu që penalltia duhet të realizohej sërish. Bonsegundo u tregua e saktë në tentimin e dytë.
Barazimi nuk i konvenoi asnjërës skuadër dhe që të dyja tashmë duket se janë eliminuar nga Kupa e Botës.
Me Skocinë të eliminuar zyrtarisht dhe me Argjentinën që ndodhet në vendin e katërt të skuadrave të treta më të mira. Por ka pak shpresa pasi një fitore e mundshme e Kilit nga Tailandës ose e kundërta, por që nuk ka shumë gjasa të ndodhë apo një fituese në çiftin Camerun-Zeland e Re do ta linte atë jashtë kompeticionit.
