Depueti i ri në Përlamentin Shqiptar, që mori mandatin pasi opozita doli nga sallla e Kuvendit, Lefter Maliqi, ka bërë një deklaratë të fortë. Pas daljes së përgjimeve, ditën e sotme, Maliqi është shprehur se në parlament nuk do të ketë më vend për të. Ai ka thënë se të premten në orën 20:00 do t’i bashkohet protestës së opozitës kundër qeverisë së drejtuar nga kryeministri Edi Rama.
Maliqi e ka lëshuar deklaratën bomb në studion e “Top Talk” , teksa e ka konsideruar ilegjitim Kuvendin e Shqipërisë.
“Për mua ai Parlament është ilegjitim. Unë besoja se do të plotësoheshin 140 deputetë dhe u deklarova i pari. Ai Kuvend është me 121 mandate. Jo vetëm që është me 121 mandate, por edhe votimi i fundit ku 100 deputetë votuan pro rezolutës, u tregua hapur pazari që u bë. Të gjithë deputetët e opozitës ishin në sinkron për të qenë abstenim, përveç meje dhe 6 të tjerëve që votuan kundër rezolutës”, tha Lefter Maliqi.
I pyetur se përse vijon të jetë deputet, ai tha se aty është një zë kritik i kësaj qeverie. Ai madje deklaroi se këtë të premte do t’i bashkohet opozitës në protestë.
