Arben Keshi është një nga emrat që rezulton i përfshirë në të gjitha përgjimet e publikuara nga Bild lidhur me shit-blerjen e votave në qarkun e Dibrës.
Përgjimet janë pjesë e dosjes 184, të cilat janë në duart e prokurorëve, por ende nuk ka ndonjë konkluzion prej tyre.
Në videot e publikuara nga Bild, Keshi komunikon me kryeministrin Edi Rama.
Arben Keshi është akuzuar nga PD si një prej njerëzve të Edi Ramës që ka blerë vota në zgjedhjet për Bashkinë Dibër.
Në atë kohë PD akuzonte Keshin se ishte pjesë e policisë, ndërkohë që Edi Rama shkruan në reagimin e tij “AK s’ka punuar në polici asokohe dhe ka qenë denbabaden kandidat komune në Maqellarë. E konfirmoj këtë bisedë dhe do e bëja prapë njësoj! Kush ka veshë le të dëgjojë”.
Dokumenti i mëposhtëm, tregon se Keshi është pjesë e policisë, me gradën e komisarit dhe me rrogë 80 mijë lekë.
Dokumenti qartëson se ai është me profesionin “officer policie” me kohë të plotë.
Referuar këtij dokumenti, Keshi ka gradën komisar, ndoshta për shkak të arritjeve që pati me zgjedhjet në Dibër.
Biseda e Keshit me Ramën
Arben Keshi: Hë shefi!
Edi Rama: Hë mo si duket?
Arben Keshi: Po mirë tek pritshmëritë jemi.
Edi Rama: E ke realizuar objektivin thua?
Arben Keshi: Them se po, bazuar në ato që po na thonë komisionerët.
Edi Rama: Ashtu është?
Arben Keshi: Po them që po.
Edi Rama: Po ata maskarenjtë, kishin bërë presione mbrëmë e?
Arben Keshi: Po deshën të më kapnin mua, punë dy minutash sa u futa tek shtabi sepse ishin duke më pritur tek hoteli ku fleja.
Edi Rama: Çfarë do të bënin ty ata?
Arben Keshi: Ishin 50 veta. Asgjë besoj, këtë pjesën e presionit mendoj, jo kështu jo ashtu. Ai është legen ai, Flamur Noka.
Edi Rama: Po ku ta del dot ty Flamur Noka mo!
Arben Keshi: Edhe djali sa doli më la mua, ata kujtuan se isha edhe unë në makinë. Rreth 50 veta. Jo se i bënë ndonjë gjë, sa e goditën. Ai iku dhe ata nuk e kapën dot.
Edi Rama: Më mirë mo, hajt se ç’i do sherret. Dëgjo, po ti mendon se e kemi realizuar objektivin?
Arben Keshi: Po këtu tek unë po. Mund të lëvizë me më pak më shumë. Nga ato që na kanë thënë komisionerët kemi pritshmëri të mëdha.
Edi Rama: Komisionerët i ke pasur top e?
Arben Keshi: Po po në rregull.
Edi Rama: Okay, mirë vllai, hajt ciao.
Arben Keshi: Ishalla, faleminderit.
/Boldnews.al/
