Nga e hëna e 17 qershorit deri të dielën, qeveria pritet të vihet përballë disa sprovave, që mund të rrezikojnë edhe ekzistencën e saj.
Së pari, 34 deputetë të saj kanë firmosur një nismë për shkarkimin e presidentit Ilir Meta duke argumentuar se vendimi i tij për zhdekretimin e zgjedhjeve vendore të 30 qershorit ështe anti-kushtetues. Në listë figurojnë emra, jo pak të rëndësishëm, si: Taulant Balla, Erion Braçe, Elisa Spiropali apo Blerina Gjylameti.
Një lëvizje e tillë mund të nxisë kreun e shtetit të provokojë shpërndarjen e parlamentit, pasi kërkesa e tij që iu drejua KQZ-së për numrin e saktë deputetëve në parlament nuk duket aq e rastësishme.
Së dyti, nesër është paralajmëruar publikimi i 16 përgjimeve nga gazeta gjermanë Bild, që sipas gazetarit Peter Tiede, do “të trondisin politikën në Tiranë”. Tabulatet telefonike përfshijnë biseda të drejtuesve të lartë të PS me eksponentë te larte të botes se krimit për shit-blerjen e votave në zgjedhjet e pergjithshme të vitit 2017-të.
Së treti, më 19 qershor ish-ministri Saimir Tahiri do të dalë para Gjykates së Krimeve të Rënda për tu përballur me akuzën ‘Trafikimi i narkotikëve’, në bashkëpunim, në formën e grupit të strukturuar kriminal, ‘Grup i strukturuar kriminal’ dhe ‘Kryerja e veprave penale nga organizata kriminale dhe grupi i strukturuar kirminal’ parashikuara nga nenet 283/a/1, 28/4/ dhe 333/a/2 të Kodit Penal. Ish-ministri, në daljet publike, gjithnjë ka folur me mesazhe të koduara ndaj kryeministrit Rama, me përmbajtje shantazhuese.
Së katërti, këtë javë, Këshilli i Europës do të marrë një vendim për negociatat me Shqipërinë dhe Maqedoninë. Ne tryezën e diskutimeve të BE-së janë tre alterinativa: ‘drita jeshile’ të ndizet vetëm për Maqedoninë e Veriut dhe Shqipëria t’i bashkohet grupit të Bosnjes dhe Kosovës; negociatat të shtyhen për në shtator për dy shtetet’ negociatat të mos hapen për asnjërin nga vendet ballkanike dhe të mos caktohet as një datë për shqyrtimin e tyre.
Hollanda, Gjermania, Franca dhe deri diku Belgjika kanë shfaqur rezerva për përpjekjet e Shqipërisë në luftën ndaj korrupsionit dhe krimit të organizuar.
Së pesti, të mërkurën ose të enjten, gazeta Bild pritet të publikojë edhe disa përgjime të tjera, që mund të implikojnë drejtuesit më të lartë të mazhorancës. “…më shumë në ditët në vijim”, kështu i tha Politiko.al, gazetari Petër Tiede.
Së gjashti, të premten më 21 qershor, opozita do të organizojë protestën e nëntë kombëtare para kryeministrisë. Ekzponentë të opozitës kanë paralajmëruar se ajo do të jetë më masivja e zhvilluar deri tani, duke shtuar se zemërimi i qytetarëve eshte aq i madh sa qe hera-heres kane pasur veshtirese per t’i menaxhuar.
/Politiko.al
