Gjykata e Elbasanit vendosi sot masën e sigurisë arrest shtëpie për gazetaren Suela Musta, anëtare e AMA, e arrestuar dy ditë më parë pas një operacioni të gjerë të RENEA-s.
Prokurori i çështjes kërkoi arrest shtëpie për gazetaren, për shkak të mungesës së provave të mjaftueshme dhe faktit se nuk përbënte rrezik për prishjen e tyre, nëse ajo nuk qëndronte në burg.
Edhe gjykata ka vendosur që Suela Musta të lirohet nga burgu dhe të qëndrojë në ‘arrest shtëpie’. Gjithashtu e njëjta masë sigurie është vendosur edhe për Adem Boriçin.
Ndërkohë, Gjykata ka vendosur masën e sigurisë arrest me burg për Endri Çopja, Bledar Karaj, Andrea Nathanaili, Artan Drazhi, Ervin Tahiri.
Masa e sigurisë për Florenc Çapjajn do të jepet paraditen e nesërme.
Masat e sigurisë
Endri Çopja, 30 vjeç, lindur dhe banues në Elbasan
Bledar Karaj, arrest me burg , lindur dhe banues në Elbasan
Adem Boriçi, 61 vjeç, arrest shtepie lindur e banues në Elbasan
Andrea Nathanaili, 67 vjeç, arrest me burg ,lindur Sarandë dhe banues në Tiranë
Suela Musta, 40 vjeç, arrest shtepie, lindur dhe banues në Tiranë
Izmir Hajdari, 51 vjeç, arrest me burg lindur dhe banues në Tiranë
Artan Drazhi, 34 vjeç, arrest me burg lindur dhe banues në Elbasan
Ervin Tahiri, 40 vjeç, arrest me burg lindur dhe banues në Tropojë.
Hetimi i plotë/ Nga atentati kundër mikut të Çapjave tek “korrupsioni” në AMA