Edi Rama, kryetar i PS-së dhe kryeministër, vijon takimet dhe prezantimet e kandidatëve të Rilindjes për kryebashkiakë.
Një ditë më parë, Rama ishte në Korçë, nga ku për herë të parë ka pranuar se do të donte që zgjedhjet të mos zhvilloheshin më 30 qershor.
Ai pohoi se pot ë nisej nga interesi personal, do të ishte dakort që zgjedhjet të shtyheshin, pasi PS ka shumicën e bashkive dhe të territorit, dhe se ai nuk do të donte të bënte fushatë në vapë, e po ashtu ai do të merrej me punët e qeverisë.
Por, sipas tij, nëse kjo do të ndodhte do ti hapej rruga të keqes, dhe do të krijohej një precedent që do ta merrte vendin zvarrë.
“30 qershori është dita kur populli do t’u thotë politikanëve se kushtetuta, ligji dhe shteti, janë mbi cdo indidvid, mbi cdo parti dhe mbi cdo kompromis e pazar”, u shpreh Rama.
Një tjetër detaj që ka tërhequr vëmendjen në fjalimin e djeshëm të kryeministrit në Korçë, ishte përkujdesja, deri në përulësi e tij ndaj Niko peleshit, ish-zv.kryeministrit dhe ish-ministrit, që njëkohësisht është drejtues politik i PS-së në qarkun e Korçës.
Në pothuajse çdo paragraph, Rama i referohej Nikos, duke u shprehur disa herë siç tha Niko, apo se Niko ka bërë shumë për Korçën, a thua se Peleshi do të votohej për kryebashkiak.
“‘Më vjen shumë mirë që u bë një sebep që të jem sërish në Korçë. E di Niko, unë sa herë që dua të shkëputem, i them më gjej një sebep që të ikim në Korçë’, tha Rama.
Por duket se Rama duke u përulur ndaj Peleshit ka dashur të zbusë deri diku atë që është pohuar nga baton haxhiu, një prej analistëve më pranë kryeministrit përsa i takon qëndrimeve, i cili ka paralajmëruar se Niko Peleshi, Ditmir Bushati apo Arben Ahmetaj, janë ish-ministrat që po punojnë kundër Ramës.
Dhe duke pasur parasysh ndikimin e Peleshit në rradhët e socialistëve në Korçë, duket se Rama ka zgjedhur rrugën që qoftë edhe për disa minuta të shfaqet jo vetëm miqësor me deputetin socialist.
