Një aksident tragjik ka ndodhur mesnatën e së shtunës në aksin rrugor Elbasan-Tiranë, ku 4 pjesëtarë të të njëjtës familjeje, prindërit dhe dy fëmijët kanë humbur jetën.
Mësohet se automjeti ka dalë nga rruga dhe është përmbysur. Nga hetimet paraprake mësohet se familjarët ishin duke festuar një ditëlindje në Elbasan dhe ishin duke udhëtuar drejt Tiranës, kur në afërsi të qendrës tregtare, drejtuesi i mjetit ka humbur kontrollin e mjetit.
Nga raportimet mësohet se automjeti ka qenë me shpejtësi tej normave të lejuara, ndërsa drejtuesi i mjetit ishte i afërm i familjes që humbi jetën.
Njoftimi paraprak i policisë:
Në aksin rrugor Elbasan-Tiranë, në afërsi të TEG-ut, mjeti me drejtues shtetasin A. A ka humbur kontrollin dhe ka dalë nga rruga duke u përplasur me bordurën e rrugës.
Si pasojë e përplasjes kanë ndërruar jetë pasagjerët V. B, B. B, F., B, Xh. B , ndërsa drejtuesi i mjetit A. A ndodhet në SQU nën kujdesin mjeksor
Grupi hetimor vijon punën për zbardhjen e rrethanave dhe shkakut të aksidentit.
