Kryeministri Edi Rama tha nga Mallakastra se Presidenti Ilir Meta e ka planifikuar lëvizjen për shtyrjen e zgjedhjeve të 30 qershorit qysh kur opozita dogji mandatet.
“Ilir Meta kishte plan qysh nga dalja e parlamentit dhe djegia e mandateve. Thyerja skandaloze e çdo rregulli dhe shkelja brutale e Kushtetutës me argumente si tregimet e Monikës kur shikon filxhanët, janë prova më se sigurt se 30 qershori jo s’mund të lëvizë po do jetë dita që kushdo që e do këtë vend dhe kupton rëndësinë e ndarjes nga e shkuara, duhet të behet pjesë e fronit popullor që ti thonë të shkuarës ik dhe të ardhmes eja”, tha Rama.
“Ata përpiqen të futen në familjen shqiptare ankthin që ca do ndodhi më 30 qershor”, shtoi. “Kush mbjell frikën, nga frika e tij tretet”, paralajmëroi.
Teksa Rama fliste, forca të shumta policia kishin rrethuar mitingun e tij, për të ndaluar qytetarët e shumtë ti afrohen, të cilët protestojnë kundër kryeministrit Rama.
Ndërkohë këtë të premte, nga Presidenca janë dhënë shenja se kreu i shtetit mund të shpërndajë parlamentin. (Lexo: Shpërndahet parlamenti? Zbulohet dokumenti i Presidentit)
