Mark Marku, ish-deputet dhe pedagog, ka bërë një deklaratë të fortë mbrëmjen e sotme gjatë emisionit ‘Opinion’.
Marku u shpreh se Rama kërkon të fshijë provat e krimeve të tij, duke bërë diçka më të madhe: të çojë popullin në luftë, në konflikt civil.
“Rama kërkon të çojë vendin në luftë që të shkatërrojë të gjitha provat për krimet e tij.
E them me bindjen e plotë.
Sepse kur zhytesh kaq shumë në krim e korrupsion, do të kërkosh diçka më të madhe që ti fshish. Dhe lufta, konflikti civil është diçka shumë më e rëndë.
Jam i bindur që Edi Rama kërkon të çojë vendin në luftë dhe në përplasje civile pasi kjo gjë është më e rëndë se sa krimi dhe korrupsioni tij.
Në këtë mënyrë ai fshinë të gjitha provat dhe krimet që ka bërë në 6 vite në regjimin e tij’, u shpreh Mark Marku.
Ai tha se këta me kaq arrogancë sa kanë duhen zënë me gurë.
“Si zonjë ju respektoj, por si ministre respektin e kam zero. Ju jeni anëtare e një bande”, tha Marku, duke iu drejtuar ministres Etilda Gjonaj.
