Një 49-vjeçar u arrestua me qëllim ekstradimi drejt Italisë, i dyshuar për përfshirje në Organizatë kriminale për shfrytëzim prostitucioni.
“Shërbimet e Policisë kriminale të Komisariatit Lezhë, pas informacioneve të marra dhe një pune të mirë organizuar në bashkëpunim me Interpol Tirana dhe me Zyrën e Interforcës të Policisë italiane, arrestuan përkohësisht me qëllim ekstradimi drejt Italisë shtetasin shqiptar të shpallur në kërkim ndërkombëtar L.K.,42 vjeç, banues në Lezhë”, njoftuan këtë të enjte burime zyrtare nga Policia e Lezhës.
“Ky shtetas ishte i shpallur në kërkim ndërkombëtar nga autoritetet italiane, pasi Gjykata e Trevizos në Itali, në qershor 2015 ka caktuar masën e sigurisë ‘Arrest me burg’, për veprat penale ‘Organizatë kriminale dhe ‘Shfrytëzim prostitucioni. Materialet hetimore i kaluan Prokurorisë Pranë Gjykatës së Shkallës së Parë Lezhë për veprime të mëtejshme”, shtuan të njëjtat burime.
Policia ka shpërndarë dhe një video ku duken pamje të shoqërimit të 42-vjeçarit në komisariat. Në pamje, duket i arrestuari i cili përpiqet të fshehë fytyrën me duar për t’iu shmangur kamerës.
