Arben Malaj, ish-deputet dhe ish-ministër në qeveritë socialiste, ka thumbuar kryeministrin Edi Rama në 28 vjetorin e themelimit të PS-së.
Përmes një mesazhi në rrjet, Malaj ka uruar socialistët dhe ka shprehur mirënjohjen për anëtarët dhe mbështetësit e kësaj partie, që e themeluan dhe e modernizuan.
“Mirënjohje për të gjithë kolegët që e mbanin PS larg pushteteve absolute dhe abuzive në çdo nivel të saj”, shkruan Malaj.
Postimi i Arben Malaj
Gëzuar të dashur socialistë!
Një urim i veçantë dhe thellësisht mirënjohës për anëtarët dhe mbështetësit e PS, që e themeluan dhe modernizuan PS si modeli më i mirë i partive poltike shqiptare, për shkallën e demokracisë së brendshme, për lirinë për diskutime dhe debate dhe sidomos për kontributet pozitive në jetën e përditshme të shqiptarëve.
Mirënjohje për të gjithë kolegët që e mbanin PS larg pushteteve absolute dhe abuzive në çdo nivel të saj. Gëzuar !!
