Prokurori Shkëlzen Cena tërhiqet nga gara për të qenë anëtarë i SPAK.
Kërkesa e Shkëlzen Cenës, aktualisht prokuror në Dibër, u miratua nga KLP me 5 vota pro.
Më 14 qershor, KPK jep vendimin për konfirmimin apo jo në detyrë të prokurorit.
Gjatë seancës dëgjimore, prokurori u gjet nga KPK me probleme të pasurisë, kryesisht mbi një kredi të marrë për një shtëpi, një kontratë noteriale për të cilën kishte qëndrime kontradiktore, një makinë për të cilën ishin nënshkruar dy kontrata dhe mungesë burimesh financiare për disa vite.
Cena po ashtu u gjet me probleme sa i përket disa hetimeve që kishte ndjekur, kryesisht me të akuzuar për kontrabandë. Ndaj tij po ashtu pati një raport negativ nga Drejtoria e Sigurimit të Informacionit të Klasifikuar sipas të cilit kishte dyshime se ai ishte përfshirë në korrupsion pasive dhe se kishte kontakte të papërshtatshme.
