Nga Pranvera Vatoci
Janë bërë të rëndomta këto vite pas Pavarësisë së Kosovës jo vetëm premtimet për përmirësim deri në heqje të regjimit kufitar e doganor Shqipëri-Kosovë!
Biles nën tum-tume daullesh e himnesh janë mbledhur qeveritë e kanë marrë vendime që humbin e zhduken në thesin e shpuar të vendimeve “patriotike”.
I tillë ishte dhe premtimi i fundit kur u takuan dy qeveritë tani ky vendim do implementohej. Si ç’do vendim qeveritar së pari duhet të orientohet nga interesi qytetar dhe jo nga propaganda e momentit për të lyer me karamele “atdhetarizmi” bumerangun që pason… Dhe ja rezultati.
Kontrolli i unifikuar ka sjellë vetëm anomali, rradhë të gjata dhe ngathtësi duke u bërë pengesë serioze pikërisht tani në fillimin e sezonit turistik dhe kur emigrantët fillojnë ardhjen në Atdhe dhe pushimet e tyre.
Thjesht janë disa policë e doganierë të reduktuar që pengojnë shpejtësinë e veprimeve! Kjo është e pafalëshme. Qytetarët në mos heqjen e kufirit siç qe premtuar kanë shpresuar në vendkalime formale inteligjente të tipit BENELUX.
Por si ç’do herë vendimet e tilla në vend të progresit sjellin pështjellim. Të gjithë pik-kalimet janë të monitoruara me kamera dhe vendim-marrësit e të dy anëve të kufirit kanë mundësi të vëzhgojnë pasojat e këtij vendimi “patriotik” i cili në të kundërt po sjell një dëm drastik!
