Sulmin terrorist të militantëve të ISIS në aeroportin e Stambollit, televizioni amerikan CCN e komenton se ky do të jetë zyrtarizimi i luftës. “Nëse ISIS-i fshihet pas sulmit, atëherë për Turqinë ky është zyrtarizimi i luftës”, parashikon CNN.
Më tej ky television në trasmetimin e pamjeve të personave të pafajshëm që gjetën vdekjen dhe qindra të plagosurve thotë se hakmarrja e Turqisë do të zbresë si shiu nga ferri.
CNN ndërkohë parashikon një valë të re zemërimi të Ankarasë pas sulmeve të fundit terroriste që goditën aeroportin “Ataturk” të Stambollit.
Deri më tani flitet për 36 të vdekur dhe 140 të plagosur. Tre persona të armatosur hapën zjarr, përpara se të hidhnin vetën në erë. BBC thotë se aeroporti Ataturk shihej prej kohësh si një shënjestër vulnerabël.
Shumë media të huaja ndërkohë, thonë se Erdogan mban përgjegjësi për këtë sulm, pasi jo vetëm ka mbyllur sytë ndaj ISIS, por edhe ka favorizuar grupimin terrorist. Dhe tashmë pasojat po bien mbi vetë turqit. Ndërkohë, nga aeroporti i Stambollit vijnë dhjetra histori tronditëse kaluar muajin e mjaltit. “Gruaja ime u plagos gjatë sulmit. Ishim ballë përballë me një prej sulmuesve kur ai hapi zjarr. Vrapova për të nxjerrë gruan time nga dyqani të plagosur dhe prisnim të terrorizuar. Mezi ia dolëm. Ishim tranzit pasi përfunduam muajin e mjaltit. Kur plumbat ishin afër, e përqafova dhe e putha atë”, ka thënë ai.
