Avokati Ledio Braho është i ftuar në emisionin Argument në TV SCAN ku po diskutohet për enigmën e 30 qershorit.
I pyetur në cilësinë e juristit dhe avokatit në lidhje me vendimin e metës për të ç’dekretuar zgjedhjet e 30 qershorit ai u shpreh:
Si fillim unë shikoj që nuk ka asnjë problem në aktin që ka marrë presidenti të shtunën dhe që e konfirmoi sot.
Ka marrë një dekret dhe kushtetuta i lejon Presidentit të Republikës që të ketë veprime vetëm dekrete, pra akti administrative i vetëm që nxjerr Presidenti i Republikës është dekreti.
Dhe ai sot nxori një dekret që shfuqizoi një dekret paraardhës. Arsyet nëse duam të themi janë politike mund të themi që janë politike por aty kishte plot arsye që janë kushtetuese, dhe ai e ka arsyetuar fare mirë që si garant i uniteti kombëtar, i ndarjes së pushteteve në këto momente sepse duhet të themi që presidenti ka mbetur i vetmi organ publik i cili nuk është kapur nga mazhoranca për aq kohë sa nuk kemi një Gjykatë Kushtetuese një Gjykatë të Lartë.
Kemi një parlament monopartiak, patjetër që jemi në këto kushte të tilla që presidenti është i vetmi garant. Kështu që dekreti është krejt i ligjshëm, është një dekret që ai e ka huazuar.
Madje edhe po ti referohemi kodit të proceduarve administrative neni 116 njeh rastin kur mundet që personi që ka lëshuar një akt administrativ që edhe në rastet kur ky akt është i ligjshëm nepse normalisht dekreti që ka nxjerr në nëntor të 2018 ka qenë i ligjshëm, mund ta shfuqizojë kur si pasojë e zbatimit të këtij akti administrativ, mund të cenohet interesi publik.
Dhe në të gjithë argumentin që presidenti i republikës ka dhënë për këtë dekret duket qartë që ai nuk do që të cenohet interesi publik, për shkak të një konflikti civil që mund të vijë si pasojë e zgjedhjeve të 30 qershorit siç është paralajmëruar jo vetëm nga opozita tashmë, por edhe nga faktorë të tjerë.
Pra kjo është e gjithë arsyeja dhe për mua është kushtetuese.
Ndërkohë që sa i përket shkarkimit të Presidentit absolutisht që nuk ka një pezullim sepse kushtetuta është shumë e qartë dhe kushtetuta nuk merr përsipër rastin e një mungese të Gjykatës Kushtetuese, pra është rast i paprecedent i paparashikuar në kushtetutë që të themi që në vendimin e kuvendit do të pezullohet nga detyra Presidenti dhe do të presim vendim marrjen e Gjykatës Kushtetuese.
Ashtu siç kishte edhe argumente të tjera sot që e arsyetonin sikur është presidenti ai që ankimon vendimin e parlamentit dhe gjykon gjykata kushtetuese, apsolutisht që nuk është as kështu, por vendimi i kuvendit i dërgohet Gjykatës Kushtetuese e cila bën interpretimin juridik në qoftë se jemi në kushtet e shkeljes së detyrave kushtetuese nga Presidenti. Pra situata është e qartë, Ilir Meta do të vazhdojë të jetë president deri ditën që do të krijohet Gjykata Kushtetuese, pas vendimit të shkarkimit në qoftë se do ketë pasi duhen 94 vota, përfundoi ai.