Ish-deputeti i Partisë Demokratike, Genc Pollo u ka bërë apel anëtarëve të KQZ-së të mos votojnë kundër dekretit të presidentit Ilir Meta për anulimin e 30 qershorit si datën e zgjedhjeve lokale.
“Nëse anëtarët e mbetur në KQZ kryejnë aktin e pamendueshëm të refuzimit të dekretit presidencial atëhere a e bëjnë ata veten objekt të akuzës penale? Që do të marrë drejtësi sot ose nesër”, shkruan Genc Pollo në një shënim në Facebook.
Mbledhja e KQZ u thirr nga nënkryetari i KQZ-së Denar Biba dhe anëtari Bledar Skënderi, të dy të zgjedhur nga PS, për të kundërshtuar dekretin e Metës.
