Disa prej deputeteve të reja, të cilat hynë në Parlament pas djegjes së mandateve nga ana e opozitës, ishin shtatzëna ose sapo kishin lindur. Një rastësi interesante pasi asnjëra prej tyre nuk mund ta parashikonte se do të arrinte të shkonte në Parlament, pasi zgjedhjet u bënë dhe kështu ato vijuan jetën e tyre, duke programuar sjelljen në jetë të një fëmije.
Njëra prej tyre, Enada Koçiraj, deputete e LSI-së në Vlorë, ishte shtatzënë kur erdhi për herë të parë në Parlament, pak javë më parë.
Tashmë, duket që zonja Koçiraj është në javët e fundit të shtazanisë. Mbase për këtë arsye, javën e kaluar, ajo u pa në shoqërinë e bashkëshortit të saj, i cili me siguri po kujdeset për të shoqen pak ditë para lindjes.
