Kryeministri Edi Rama pritet të mbledhë Kryesinë e Partisë Socialiste këtë të hënë. Lëvizja vjen pasi presidenti firmosi zyrtarisht anulimin e zgjedhjeve lokale të 30 qershorit.
Në mbledhjen e Kryesisë së socialistëve pritet të diskutohen hapat që do ndërmarrë maxhoranca pas vendimit të Kreut të Shtetit.
Në një konferencë të jashtëzakonshme këtë fillimjave, Presidenti përmendi edhe arsyet pse vendosi shtyrjen e zgjedhjeve lokale. Meta tha se nëse zhvillohen zgjedhjet në 30 qershor, cënohet siguria kombëtare. Ai u bëri apel palëve politike të dakortësohen për një datë të re.
Kryeministri Edi Rama paralajmëroi një ditë më parë gjatë takimeve elektorale në Bulqizë dhe Dibër se me vendimin që mori Ilir Meta nuk e meriton më të qëndrojë në zyrë. /bn/