Presidenti Ilir Meta do të nisë nesër ditën me një konferencë të jashtëzakonshme për mediat. Burime zyrtare nga Presidenca konfirmojnë se në orën 08:00, Kreu i Shtetit do të dalë në një konferencë ku pritet të sqarojë bazën ligjore dhe të japë argumentet shteruese përsa i takon dekretit për anullimin e zgjedhjeve në datën 30 qershor.
Gjithashtu mësohet se Kreu i Shtetit do t’i japë përgjigje ccdo qëndrimi dhe deklarate të Qeverisë apo mazhorancës lidhur me anullimin e zgjedhjeve.
Sot kryeministri e cilësoi nul ligjor dekretin për anullimin e zgjedhjeve ndërsa theksoi se Ilir Meta s’ka asnjë të drejtë më të rrijë në zyrën e Kreut të Shtetit. Paralelisht me këtë, mazhoranca po shqyrton të gjitha mundësitë kundër Presidentit, ku sicc duket nuk përjashtohet as shkarkimi i tij, megjithëse nuk ka Gjykatë Kushtetuese që do të legjitimonte procesin.
Një ditë më parë Presidenti njoftoi se të hënën do të jepeshin argumentet shteruese për dekretin që anullonte zgjedhjet.