Kryeministri Edi Rama mbrëmjen e djeshme, përmes një postimi në rrjet, ka shprehur vendosmërinë për zhvillimin e zgjedhjeve më 30 qershor.
Rama ka reaguar në këtë mënyrë pas dekretit të Presidentit Ilir Meta, i cili vendosi shfuqizoi dekretin e mëparshëm për zhvillimin e zgjedhjeve lokale në datën 30 qershor, duke mos përcaktuar një tjetër datë.
Por përkundër vendosmërisë së kryeministrit ka ardhur reagimi i parë nga PD.
“Mos ta paragjykojmë, Nuk thotë “zgjedhjet lokale”. Ai e di që nuk është Presidenti i Republikës. Mendoj se e ka për zgjedhjet brenda Partisë Socialiste. Është koha që edhe aty të ketë zgjedhje të lira dhe të ndershme. Shumë suksese socialistëve në zgjedhjet e brendshme, uroj të fitojnë mbi Rilindjen”, shkruan zëdhënësja e PD-së.
