Ka nisur grumbullimi i qytetarëve para kryeministrisë, aty ku këtë pasdite merr jetë protesta e 8 kombëtare e opozitës në Tiranë.
Lidhur me organizmin e protestës, pritet që kryetari i opozitës të mbajë një fjalim, ndërsa protestuesit të tubojnë para kryeministrisë dhe parlamentit. Sipas Partisë Demokratike, rreth 70 mijë qytetarë janë nisur nga rrethet pasditen e sotme në drejtim të Tiranës, për t’u bërë pjesë e protestës së tetë të opozitës.
Opozita kërkon largimin e kryeministrit Edi Rama dhe një qeveri tranzitore si kusht për zgjedhje të lira e të ndershme.
