Ka përfunduar pjesa e parë e takimit Islandë-Shqipëri në Rejkjavik. Takimi u mbyll me rezultatin 1-0 në favor të vendasve.
Ndeshja e parë e Kombëtares në drejtimin e Edi Rejas nisi me një shkëndijë nga ana u Kuq e Zinjve në minutën e katërt. Lenjani harkoi nga e majta për Hysajn, i cili gjuajti me të majtën drejt portës, por u ndal nga portieri Haldorson.
Minutat në vijim folën më shumë në favor të Shqipërisë, deri në të 22-tën.
Duke përfituar nga një përgjumje e mbrojtjes së Kombëtares Kuq e Zi, Gundmundson, ka depërtuar në zonë dhe ka lëshuar një goditje tokazi duke mposhturat Berishën.
Një minutë nga fundit, Shqipëria kishte një mundësi të mirë për të baraspeshuar rezultatin, por goditja e Lenjanit u ndal në mur dhe aksioni në vijim nuk solli asnjë rrezik për ishullorët.
Në grupin H për eleminatoret për kampionatin europian, Shqipëria aktualisht ka 3 pikë pas dy ndeshjesh dhe mban vendin e tretë: Një humbje ndaj Turqisë dhe një fitore ndaj Andorrës.