Kryeministri Edi Rama ka qenë sot në Skrapar, ku ka prezantuar kandidatin për kryebashkiak të Çorovodës. Rama ka shprehur bindjen për zhvillimin e zgjedhjeve lokale më 30 qershor, ndërsa ka paralajmëruar opozitën dhe ata që do të tentojnë të prishin zgjedhjet se nuk do të mund të kalojnë kufirin drejt BE dhe SHBA.
Deklaratat e Ramës vijnë në një kohë kur e përditshmja gjermane BILD ka publikuar 6 përgjime të dosjes 339, e cila ndodhet në sirtarët e prokurorisë dhe që ka të bëjë me korrupsionin zgjedhor, apo shit-blerjen e votave.
Pak përpara takimit Rama, në shoqërinë e deputetit Adnor Shameti ka preferuar të ulet në një prej lokaleve të zonës.