Dy të rinj u bënë mankthi i policisë së Tiranës dhe të kryeqytetasve pasi kryenin vjedhje të banesave në mes të ditës. Shpesh kemi dëgjuar se hajdutët hyjnë në banesa për të vjedhur natën, mirëpo dy hajdutët kishin metodat e tyre specifike të vjedhjes.
Ndërkohhë që brenda 2 muajve, numërojnë mbi 30 vjedhje banesash ne Tirane.
Operacioni per vjedhjen e radhës fillon ne orën 10 e 30 minuta. Ne këtë filmim, keta dy persona shfaqen ne rrugën “Pjeter Bogdani” ne afërsi te shkollës “Edith Durham”.
Pasi kanë studiuar mirë zonën dhe janë siguruar se në banesë nuk ka njeri, ata veprojnë.
Fillimisht, ky i ri i identifikuar nga policia si Erind Kodra, hyn i vetëm në pallat, ndërkohë që dy të tjerët, presin poshtë për të kontrolluar zonën.
Por ajo që 29-vjeçari nuk dinte është se në brendësi të pallatit, kishte një kamera sigurie, e cila në momentin e daljes e filmon. Por edhe pas kësaj, tre hajdutët futen sërish në pallat dhe pasi mbarojnë punë, dalin nga ashensori dhe ruhen që të mos identifikohen, pasi shoku i tyre i kishte lajmëruar se kishte kamera sigurie.
Policia arriti të dokumentonte mbi 30 vjedhje banesash në zona të ndryshme të Tiranës. Në pranga ranë Danjel Dushku, Erind Kodra dhe Gentjan Kala, ndërkohë që një tjetër është shpallur në kërkim.
Nga të dhënat statistikore, vetëm në Tiranë bastisen mesatarisht 3 banesa në ditë, ndërkohë që zbulueshmeria është mjaft e vështire per këtë kategori. Zonat në të cilat vidhet më shumë janë ato periferike, por kohët e fundit janë shtuar në zonat urbane, sidomos vjedhjet me thyerje të bravave kur nuk ka persona në shtëpi./Vizion plus/
