Policia në Indi ka arrestuar tre vëllezër, duke përfshirë edhe dy të mitur pasi dyshohen se kanë përdhunuar një 13-vjeçare në shtëpinë e saj në Nagpur të Indisë.
Policia bën të ditur se tre vëllezërit e kanë sulmuar vajzën 13-vjeçare të hënën në shtëpinë e saj, kur ajo ishte vetëm.
Të tre e kanë përdhunuar vajzën dhe më pas kanë ikur nga vendi i ngjarjes.
Vajza së bashku me babain e saj e kanë bërë denoncimin në polici e këta të fundit kanë arrestuar tre të dyshuarit.
Ata ishin 12, 17 dhe 21 vjeç dhe do të dalin para gjykatës së shpejti.
