Kryeministri Ramush Haradinaj ka vijuar traditën e tij të zakonshme për festën e Fitër Bajramit.Mëngjesin e festës së Bajramit e nis gjithmonë duke u shërbyer policëve ëmbëlsira. Këtë traditë nuk e ka harruar as mëngjesin e kësaj të marte.
“Në këtë ditë feste e nisa mëngjesin duke ndarë ëmbëlsira me Policinë e Kosovës.
Në rrugëtimin tonë si shtet e shoqëri qofshim gjithmonë krah për krah. Me fat Fitër Bajrami!”, ka shkruar Haradinaj në Facebook.
Fotot dhe xhesti i tij është komentuar shumë në rrjet duke shkaktuar shumë komente positive, urime dhe mirënjohje për kryeministrin Kosovar i cili si asnjë më parë ka treguar respektin maksimal në rradhë të parë për ata që e mbrojnë me jetë vendin e tyre.
