Rubin Hebaj nuk do të jetë më pjesë e Partizanit. Pasi e mori huazim në merkaton e verës së kaluar nga ekipi i Domzhales në Slloveni, klubi i kuq ka vendosur të mos e paguajë klauzolën, që do i siguronte përfundimisht kartonin e shkodranit.
Siç raporton Panorama, bëhej fjalë për një shumë 100 mijë euro për këtë klauzolë, dhe Partizani ka vendosur të mos e paguajë.
Këtë sezon me Partizanin në kampionat, Hebaj luajti 21 takime, ku shënoi edhe 4 gola në total, dy më të rëndësishmit në derbi ndaj Tiranës, ku i dha fitoren të kuqve me përmbysje rezultati.
