Dashuri dhe urrejtje, e tillë është marrëdhënia mes Mario Balotelli-t dhe Roberto Mancinit, te Inter, Manchester City dhe tashmë te përfaqësuesja e Italisë. Sulmuesi i Marseille, ka folur ndër të tjera edhe për marrëdhënien e tij me trajnerin aktual të kombëtares italiane.
“Nëse jam bërë futbollist, i detyrohem Mancinit, që është trajneri i cili më mundësoi të luaj që fëmijë te Inter, si dhe prindërit e mi”, deklaroi Balotelli, i cili ka nominuar edhe shokun më të fortë të skuadrës: “Ibrahimovic është shoku më i fortë që kam patur ndonjëherë në skuadër”.
“Çfarë do të isha bërë nëse nuk do të bëhesha futbollist? Kur isha i vogël ëndërroja të punoja në cirk, sepse më pëlqenin akrobacitë, por më mirë që u bëra ky që jam. Nuk kam vendosur ende se ku do të luaj vitin e ardhshëm. Unë te Parma? Do të ishte nder”, deklaroi Balotelli.
