Pas publikimit të një letër të ambasadorit amerikan dërguar të rinjve që tregon negociatat me PD -në dhe liderin e saj, Lulzim Basha për reformën në drejtësi ka reaguar avokati Spartak Ngjela.
Ai shkruan se përveç miratimit të reformës në drejtësi ambasada amerikane është e vendosur edhe për zgjedhje të reja. Sipas Ngjelës këtë herë shqiptarët kanë në krahun e tyre ambasadorin e SHBA¬ve, dhe kundër Berishën që i urren ata.
Statusi i Spartak Ngjelës:
Sali!…sot foli ndërkombëtari: ishte Ambasadori i Shteteve të Bashkuara në Tiranë, Donald Lu. Dhe ky ambasador këmbëngulës që iu drejtua rinisë shqiptare sot, ka një dallim të madh me Saliun: Donald Lu i do dhe i respekton shqiptarët, Sali Berisha i urren; Donald Lu kërkon të shpëtojë shqiptarët nga zgjedha e korrupsionit në drejtësi dhe në administratë, Sali Berisha i mbron si ushtarë të tij të korruptuarit. Dallim shumë i madh ky midis tyre. Ka dhe diçka më tepër : Donald Lu ka 95 përqind të shqiptarëve me vete, Sali Berisha ka 5 përqind, gjysma e të cilëve duan para. Koha është e shqiptarëve. Qetësia jonë është e vërteta që u artikulon shqiptarëve ambasadori amerikan. Zoti Lu, Thomas Xheferson na ka thënë: “E vërteta është antagonistia e përshtatshme dhe e mjaftueshme për gabimin”. Këtë thuaju vazhdimisht shqiptareve: të vërtetën sipas Thomas Xhefersonit, se kjo jeta jonë është ndërtuar me gabimin dhe shqiptarët vuajnë nga ky gabim i kohëve moderne. Sali, tërhiqu nga rruga pa krye ku ke hyre: nuk e mund dot ti historinë amerikano¬shqiptare me tre apo pesë shigjetarë mesjetarë. Iu drejtua rinisë ambasadori sot. Nuk është jashtë skemës së frymës së re shqiptare properëndimore që kërkon drejtësi. Ambasadori ka të vërtetën me vete, dhe forcën amerikane në opinionin shqiptar. Politika amerikane shihet se është shumë e vendosur edhe për zgjedhje të reja. Ku shkojnë kështu taboret e vjetra të korrupsionit, mos duan të vërtetojnë që kanë po aq pak mend sa ç’kishin kur vodhën djersën dhe mirëqenien shqiptare? Gjithsesi shqiptarët tani kanë me vete të vërtetën dhe Amerikën. Kurrë nuk e kanë pasur një forcë të tillë. Po shigjetarët mesjetarë të Saliut? Do të rropaten dhe ca, kot së koti dhe fare kot.
