Laçi është skuadra e katërt dhe e fundit shqiptare që fiton të drejtën për të luajtur në Europa League sezonin e ardhshëm. Dhe, në fakt, do ta arrinte këtë objektiv edhe nëse do renditej edhe më poshtë se vendi i gjashtë.
Federata Shqiptare e Futbollit ka publikuar këtë të hënë listën e klubeve që kanë të drejtë të marrin pjesë në kupat e Europës për sezonin e ardhshëm, duke u bazuar në kriteret e licencimit. Dhe janë vetëm pesë: Partizani, Kukësi, Teuta, Laçi dhe Skënderbeu. Por, duke ditur që Skënderbeu është pezulluar 10 vite nga UEFA, vendi i fundit në Europa League u takon kurbinasve.
