Protesta e sotme e opozitës është pasqyruar gjerësisht nga mediat ndërkombëtare.
Ëashington Post, Asssociated Press, New York Times, Deutche Welle dhe Boston 25 News, kanë publikuar në faqet online zhvillimet nga Tirana, ku opozita për të 7 herë rrjesht kërkon largimin e kryeministrit Edi Rama.
“Mijëra mbështetës të opozitës shqiptare kanë dalë përsëri në rrugë për të kërkuar zgjedhje të parakohshme, pavarësisht thirrjeve të përsëritura nga ndërkombëtarët për t’u ulur për bisedime.
Mbështetësit e opozitës së qendrës së djathtë të Partisë Demokratike janë mbledhur këtë të dielë para selisë së qeverisë duke akuzuar kryeministrin Edi Rama të Partisë Socialiste të qendrës së majtë për korrupsion dhe lidhje me krimin e organizuar. Ata duan që Rama të japë dorëheqjen dhe një qeveri tranzitore të çojë vendin drejt zgjedhjeve të parakoshme”, raportojnë mediat ndërkombëtare.
Ndërkohë që Deutche Welle shkruan se “opozita e bashkuar mban protestën e shtatë kombëtare përpara Kryeministrisë dhe të parën protestë që pas hapjes së fushatës së qeverisë për zgjedhjet e 30 Qershorit. Kërkesat janë të njëjtat: largimi i kryeministrit Rama, krijimi i qeverisë tranzitore dhe zgjedhje të lira e të ndershme”.