“Asnjë hap pas për çlirimin e vendit nga e keqja! Nesër në ora 19:00 të gjithë në shesh!”. Kështu shkruan Lulzim Basha, në një postim në rrjet, duke shpërndarë edhe thirrjen drejtuar shqiptarëve, për t’iu bashkuar protestës së opozitës.
Protesta do të mbahet pasditen e së dielës, përpara godinës së Kryeministrisë, duke qenë tubimi i 7 kombëtar me kërkesën e vetme, largimin e Edi Ramës si kryeministër.
Postimi i Bashës në rrjet është bërë disa minuta pasi Edi Rama publikoi letrën e 7, e cila nuk i drejtohet kreut demokrat, por mbështetësve të opozitës.
Duket se Basha ka zgjedhur mënyrën e tij për t’iu përgjigjur Ramës.
