Një gjykatë në Bologna dha 14 vite burg për italianin, i cili vrau Ervin Tolën, shqiptarin 31 vjeçar mbrëmjen e 29 dhjetorit 2017 duke vendosur edhe dëmshpërblim për familjarët e tij.
Për prindërit dhe vëllezërit e 31-vjeçarit është caktuar shuma e 500 mijë euro, ndërsa për djalin e Ervinit i cili lindi dy muaj pas vrasjes së të atit u caktua dëmshpërblimi prej 750 mijë euro.
Vrasja ndodhi pas një sherri ku ishin përfshirë shumë persona, pjesa më e madhe të dehur.
Avokati mbrojtës pretendon se klienti i tij kishte tentuar të mbrohej. Kishte marrë një thikë dhe kishte goditur për vdekje 31- vjeçarin shqiptar. Më pas ishte larguar nga vendi i krimit për t’u dorëzuar në polici një ditë më pas.
