Të paktën shtatë persona kanë humbur jetën dhe 19 janë zhdukur pasi një varkë mmbi të cilën udhëtonin një grup turistësh nga Korea e Jugut është përmbytur në Danub në kryeqytetin hungarez të Budapestit.
Sipas informacioneve të dhëna nga mediat lokale varka ku udhëtonin 33 turistë u përplas me një anije tjetër turistike pranë ndërtesës së Parlamentit hungarez mbrëmjen e të mërkurës, kohë në të cilën lumi ishte fryrë për shkak të reshjeve të dendura.
Varka është gjetur në shtratin e lumit vetëm disa qindra metra nga pika e saj e zakonshme e ankorimit, por pasagjerët dhe ekuipazhet e humbur mund të jenë transportuar nga rrymat më larg. Shtatë prej koreanëve të jugut u shpëtuan, shtatë vdiqën dhe 19 u zhdukën, ndërsa nuk dihet fati i 2 personave që ishin pjesë e ekuipazhit.
“Presidenti Moon Jae-in lëshoi një urdhër urgjent për të punuar me qeverinë hungareze për përpjekjet e shpëtimit”, tha zëdhënësja e tij Ko Min-jung për gazetarët.
Një ekip emergjence prej 18 zyrtarësh po udhëton nga Koreja e Jugut drejt Budapestit, shtoi ministria e jashtme, të cilë do të ofrojnë këshillim për familjet e viktimave.
Ishin një gjashtëvjeçar në bord, tha Lee Sang-moo, një zyrtar i agjencisë së udhëtimit të Koresë së Jugut që rezervoi turneun e grupit. Por fëmija nuk figuron në listën e të mbijetuarve, shtoi agjencia.
