Tartar Bazaj, anëtar i Këshillit të Lartë të Prokurorisë, një ndër organet kryesore të Reformës në Drejtësi, rezulton me probleme përsa i takon arsimit të tij, më konkretisht shkollës së mesme.
Bazaj ka mbaruar vetëm 3 klasë agronomi në Sevaster të Vlorës, të cilën e ka braktisur në vitin e tretë. Ai ka pretenduar më parë se ka mbaruar shkollen e mesme në një fshat të Tiranës, Valias.
Lidhur me këtë skandal ka reaguar edhe ish-ministri i Drejtësisë, Ylli Manjani.
“Nuk mbledh bishtin ndër shalë e të largohet, por kërcënon gazetarin”, shkruan ish-ministri, referuar emisionit “Ajsberg”, ku anëtari i KLP kërcënon gazetarin Artur Çani.
Postimi i Ylli Manjanit
Ua ua ua ua ua…
Anëtari i KLP-së!!!
Pu pu pu pu pu!
Është emëruar aty me dëftesë fallco dhe nuk mbledh bishtin ndër shalë e të largohet, por kërcënon gazetarin…
Kjo nuk ka të bëjë më me turpin, por me ligjin!
Duhet shkarkuar një orë e më parë! Gjykatës e prokurorë, por edhe policë e punonjës administrade largohen nga detyra për shumë më pak sesa ky!!!
Ndërkohë, ka edhe të tjerë shkelës ligji që kanë marrë detyra kushtetuese në institucionet e reja të drejtësisë që deshën…
Veç kujdes, mos na shqetësoni Callaveren…!
Dokumentat/ Minatori-agronom i KLP, Bazaj, dyshime për diplomë gjimnazi false
